സൈബർ തട്ടിപ്പ് കേസുകളിൽ തിരിച്ചുപിടിക്കുന്ന തുക 50,000 രൂപയിൽ കുറവാണെങ്കിൽ പൊലീസ് സ്റ്റേഷൻ വഴിയുള്ള
നടപടിക്രമങ്ങളിലൂടെ ഇനി ഉടമയ്ക്ക് തിരികെ ലഭിക്കും. നിലവിൽ കോടതി വഴിയാണു തുക ലഭിക്കുന്നത്. സൈബർ തട്ടിപ്പ് വഴി നഷ്ടപ്പെട്ട തുക അന്വേഷണത്തിലൂടെ തിരിച്ചുപിടിക്കുമ്പോൾ അക്കാര്യം സൈബർ ഓപ്പറേഷൻസ് വിഭാഗം പരാതിക്കാരനെ അറിയിക്കും. ദേശീയ സൈബർ ക്രൈം പോർട്ടലായ എൻസിആർപി വഴിയാണു തുക ലഭിക്കാനുള്ള അപേക്ഷ നൽകേണ്ടത്. 50000 രൂപയിൽ കുറവുള്ള തുകയ്ക്കായി പോർട്ടലിൽ മണി റെസ്റ്റൊറേഷൻ ഓപ്ഷനിൽ ക്ലിക്ക് ചെയ്യണം. തട്ടിപ്പു സംബന്ധിച്ച് പൊലീസിൽ പരാതി നൽകിയപ്പോൾ ലഭിച്ച നമ്പർ, മൊബൈൽ നമ്പർ എന്നിവ രേഖപ്പെടുത്തണം. തിരിച്ചറിയൽ രേഖയും അപ്ലോഡ് ചെയ്യണം. പരാതിക്കാരൻ താമസിക്കുന്ന പ്രദേശത്തെ പൊലീസ് സ്റ്റേഷനിലേക്ക് ഈ വിവരമെത്തും. പൊലീസ് സ്റ്റേഷനിൽ നിന്ന് നൽകുന്ന ബോണ്ട നോട്ടറി വഴി സാക്ഷ്യപ്പെടുത്തി തിരികെ സ്റ്റേഷനിൽ നൽകണം ഒരാഴ്ചക്കുള്ളിൽ പണം അക്കൗണ്ടിൽ എത്തും.
