ജർമനിയിൽ പെൺകുട്ടിയെ അതിക്രമിച്ച റോബോട്ട്; അന്വേഷണം ആരംഭിച്ച് പോലീസ്
ജർമനിയിലെ കൊളോൺ നഗരത്തിൽ 16 വയസ്സുകാരിയെ റോബോട്ട് ഉപയോഗിച്ച് ലൈംഗികമായി അതിക്രമിച്ചെന്ന പരാതിയിൽ പോലീസ് അന്വേഷണം ആരംഭിച്ചു. സംഭവവുമായി ബന്ധപ്പെട്ട് റോബോട്ടും രണ്ട് യുവാക്കളുടെ മൊബൈൽ ഫോണുകളും പോലീസ് പിടിച്ചെടുത്തു.
ഒക്ടോബർ 10-നും 11-നും ഇടയിലുള്ള രാത്രിയിൽ ഫാസ്റ്റ് ഫുഡ് റെസ്റ്റോറന്റിന് സമീപമാണ് സംഭവം നടന്നതെന്നാണ് റിപ്പോർട്ട്. സുഹൃത്തുക്കൾക്കൊപ്പം നിന്ന പെൺകുട്ടിയുടെ സമീപത്തേക്ക് ഏകദേശം 1.2 മീറ്റർ ഉയരമുള്ള ചുവപ്പും സ്വർണനിറവും കലർന്ന റോബോട്ട് എത്തുകയും ശരീരത്തിൽ അനുചിതമായി സ്പർശിക്കുകയും ലൈംഗിക ചേഷ്ടകൾക്ക് സമാനമായ ചലനങ്ങൾ നടത്തുകയും ചെയ്തെന്നാണ് പരാതി.
