തൊടുപുഴയിൽ ഇന്നുമുതല് ചായ കാർണിവൽ. വാഴക്കുളം ചാരിറ്റബിൾ ട്രസ്റ്റിന്റെയും വാഴക്കുളം സെൻറ്റ് ജോർജ് ആശുപത്രിയുടെയും നേതൃത്വത്തിൽ ആരംഭിച്ച സൗജന്യ ഡയലിസിസ് സെന്റർ രണ്ടാം വർഷത്തിലേക്ക്. ഇതോടനുബന്ധിച്ച് ഇന്നുമുതല് നവംബർ ഒന്ന് വരെ ഫണ്ട് സമാഹരണത്തിൻ്റെ ഭാഗമായി ടൗണിൽ ചായ കാർണിവൽ സീസൺ 2 സംഘടിപ്പിക്കുമെന്ന്. അധികൃതർ അറിയിച്ചു. ഇതുവരെ രണ്ടായിരം സൗജന്യ ഡയലിസിസ് നടത്താൻ ട്രസ്റ്റിന് കഴിഞ്ഞു. ഇതിനു പുറമേ സാന്ത്വനം ക്ലിനിക്ക്, സാന്ത്വനം പാലിയേറ്റീവ് ഹോം കെയർ ഉൾപ്പെടെയുള്ള നിരവധി പ്രൊജക്റ്റുകൾ സാധാരണക്കാർക്കായി. നടത്തി വരുന്നു. വീടുകളിൽ നഴ്സിങ്ങ്, മെഡിക്കൽ പരിചരണം, ഓക്സിജൻ കൺസെൻട്രേറ്റർ, വീൽ ചെയർ തുടങ്ങിയവ ലഭ്യമാക്കുന്നതിനുള്ള സാന്തനം ഹോം കെയർ സർവീസ് ആരംഭിച്ചു. എല്ലാ മാസവും നാലാം വെള്ളിയാഴ്ച സൈക്കിയാട്രിസ്റ്റ്, സൈക്കോളജിസ്റ്റ്, സോഷ്യൽ വർക്കർ ഉൾപ്പെടെയുള്ള ടീം വാഴക്കുളത്ത് എത്തി ക്ലിനിക്കും ഹോം കെയറും നടത്തി വരുന്നു. നാലാം ശനിയാഴ്ചകളിൽ സൗജന്യ കണ്ണ് പരിശോധന, തിമിര ശസ്ത്രക്രിയ എന്നിവക്കുള്ള സൗകര്യം കൊച്ചിൻ ഐ കെയർ ഫൗണ്ടേഷനുമായി ചേർന്ന് ഒരുക്കിയിട്ടുണ്ട്.
മൂന്നാം വെള്ളിയാഴ്ചകളിൽ സൗജന്യ കിഡ്നി പരിശോധനയ്ക്കായി നെഫ്രോളജിസ്റ്റിൻ്റെ സേവനവും ലഭ്യമാണ്. ഈ വർഷം മുതൽ ഷിഫ്റ്റുകൾ വർധിപ്പിച്ച് 4000 സൗജന്യ ഡയാലിസിസ് ചെയ്യുന്നതിനാണ് ലക്ഷ്യമിടുന്നത്. ട്രസ്റ്റിന് ഇതുവരെ 37 ലക്ഷം രൂപാ സംഭാവനയായി ലഭിച്ചു.
ട്രസ്റ്റിൻ്റെ നേതൃത്വത്തിൽ നടത്തുന്ന സൗജന്യ ഡയാലിസിസ് സെൻ്ററിന് ആവശ്യമായ ഫണ്ട് കണ്ടെത്തുന്നതിന് ആണ് കാർണിവൽ സംഘടിപ്പിക്കുന്നത്.
ഇന്ന് വൈകിട്ട് 5 മണിക്ക് വാക്കത്തോണോടെ. കാർണിവൽ ആരംഭിക്കും. ഡീൻ കുര്യാക്കോസ് എം പി ഉൽഘാടനം ചെയ്യും.
കാർണിവൽ ഗ്രൗണ്ടിൽ ഫുഡ് സ്ട്രീറ്റും, കലാ പരിപാടികളും ഒരുക്കിയിട്ടുണ്ടെന്ന് ചെയർമാൻ സിജു സെബാസ്റ്റ്യൻ , സെക്രട്ടറി ജോണി മെതിപാറ, വാഴക്കുളം സെൻ്റ് ജോർജ് ആശുപത്രി ഡയറക്ടർ ഫാ. ജോർജ്ജ് പൊട്ടക്കൽ, മഞ്ഞള്ളൂർ പഞ്ചായത്ത് പ്രസിഡൻ്റ് ടോമി തന്നിട്ടാം മാക്കൽ, ട്രസ്റ്റ് ട്രഷറർ സാജു ടീ ജോസ് എന്നിവർ പറഞ്ഞു