കേരള പൊലീസിൽ വനിതാ പ്രാതിനിധ്യം കൂട്ടുന്നു. പൊലീസ് സേനയുടെ അംഗ ബലത്തിൻ്റെ 30% വനിതാ ഉദ്യോഗസ്ഥരെ ആക്കാനാണു തീരുമാനം. നിലവിൽ സിവിൽ പൊലീസ് ഓഫിസർമാരിൽ 10% മാത്രമാണു വനിതകൾ. ഡിജിപി റാവാഡ എ. ചന്ദ്രശേഖർ നൽകിയ ശുപാർശയെ തുടർന്നാണു സർക്കാർ തീരുമാനമെടുത്തത്.
പൊലീസ് സേനയുടെ ആകെ അംഗബലത്തിന്റെ 33% വനിതാ പ്രാതിനിധ്യം ഉറപ്പാക്കണമെന്നു സംസ്ഥാനങ്ങൾക്കു കേന്ദ്ര ആഭ്യന്തര മന്ത്രാലയം പല തവണ നിർദേശം നൽകിയിരുന്നു. തുടർന്നാണു പുരുഷ-വനിതാ പൊലീസ് കോൺസ്റ്റബിൾ നിയമന അനുപാതം ഉയർത്തുന്നത്.