മിന്നലിൽ കെട്ടിടം കത്തി നശിച്ചു.

തൊടുപുഴ: മിന്നലേറ്റ് വീടിനോടു ചേർന്നുള്ള out house കത്തി നശിച്ചു. തൊടുപുഴ ആനക്കൂട് ജംഗ്ഷൻ സരസ്വതി സ്കൂളിനു സമീപം ഗോപികാ ഭവനിൽ പ്രേംനാഥിന്റെ വീടിനോടു ചേർന്നുള്ള കെട്ടിടത്തിനാണ് തീ പിടിച്ചത്. പ്രേംനാഥും കുടുംബവും ചെന്നൈയിൽ ആണ്. വാടകക്കാർ ഒഴിഞ്ഞതിനാൽ ആൾതാമസമില്ലായിരുന്നു. നഗരസഭാംഗം ടി കെ സുധാകരൻ നായരെയാണ് ഉടമസ്ഥൻ വീട് ഏല്പിച്ചിരുന്നത്. ഇന്നലെ വൈകുന്നേരം പെയ്ത മഴയോടൊപ്പം ഉണ്ടായ മിന്നലിൽ ആണ് കെട്ടിടത്തിന് തീ പിടിച്ചതെന്നാണ് സൂചന. തൊടുപുഴയിൽ നിന്നും അഗ്നി രക്ഷാ സേനയെത്തി തീയണച്ചു. ലക്ഷകണക്കിന് രൂപയുടെ നഷ്ടമുണ്ടായതായി സുധാകരൻ നായർ പറഞ്ഞു