തൊടുപുഴ: യാത്രക്കാർക്ക് കൂടുതൽ സൗകര്യപ്രദമായ കാത്തിരിപ്പ് സംവിധാനം ഒരുക്കുന്നതിന്റെ ഭാഗമായി തൊടുപുഴ കെ.എസ്.ആർ.ടി.സി. ഡിപ്പോയിൽ പുതിയ എ.സി. വെയിറ്റിംഗ് ഹാൾ ഉദ്ഘാടനം ചെയ്തു.
തൊടുപുഴ കെ എസ് ആർ ടി സി ഡിപ്പോയിൽ അൽ- അസ്ഹർ ഗ്രൂപ്പ് പണി കഴിപ്പിച്ച A/c വെയ്റ്റിംഗ് ഹാളിന്റെ ഉദ്ഘാടനം ഗതാഗത മന്ത്രി ശ്രീ സി പി ജോൺ നിവഹിച്ചു . യു ഡി എഫ് സർക്കാർ അധികാരത്തിൽ വന്ന ശേഷം ഓരോ ഡിപ്പോയിലും സ്ഥലം എം എൽ എ യുടെ നേതൃത്വത്തിൽ രാഷ്ട്രീയ പാർട്ടി പ്രതിനിധികളെ ഉൾപ്പെടുത്തി ആരംഭിച്ച ട്രാൻസ്പോർട് മാനേജ്മന്റ് കമ്മിറ്റി കെ എസ് ആർ ടി സി യുടെ പുരോഗമന പ്രവർത്തനങ്ങൾക്ക് ഏറെ ഗുണകരമായിട്ടുണ്ടെന്ന് മന്ത്രി പറഞ്ഞു. തൊടുപുഴ ഡിപ്പോയുമായി ബന്ധപ്പെട്ട് നമ്പർ ലഭിക്കുന്നത് ഉൾപ്പെടെയുള്ള പ്രശ്നങ്ങൾ ഒരു മാസത്തിനകം പരിഹരിക്കാൻ ശ്രമിക്കണമെന്ന് മന്ത്രി നിർദ്ദേശിച്ചു. കേരളത്തിലെ പ്രൈവറ്റ് ബസ് മേഖല യഥാർത്ഥത്തിൽ പബ്ലിക് ട്രാൻസ്പോർട് സംവിധാനമാണെന്ന് മന്ത്രി പറഞ്ഞു. സ്വകാര്യ ബസുകൾ വാടകയ്ക്കെടുത്ത് സർവീസ് നടത്താൻ തീരുമാനിച്ചുട്ടുണ്ടെന്നും മന്ത്രി വ്യക്തമാക്കി. ചടങ്ങിൽ ചീഫ് വിപ്പ് അപു ജോൺ ജോസഫ് അധ്യക്ഷത വഹിച്ചു. തൊടുപുഴ ഡിപ്പോയുടെ ബന്ധപ്പെട്ട പ്രശ്നങ്ങൾ പരിഹരിക്കാൻ മന്ത്രി ഇടപെടണം എന്ന് അപു ജോൺ ജോസഫ് ആവശ്യപ്പെട്ടു.
ഇടുക്കി നിയോജക മണ്ഡലത്തിൽ ഗ്രാമീണ മേഖലകളിൽ ഓടിക്കാൻ വേണ്ടി 2 കട്ട് ചെയ്സ് ബസുകൾ വാങ്ങി കെ എസ ആർ ടി സി ക്ക് നൽകാൻ തീരുമാനിച്ചിട്ടുണ്ടെന്ന് മുഖ്യ പ്രഭാഷണം നടത്തിയ റോയ് കെ പൗലോസ് MLA വ്യക്തമാക്കി. 5 ബസുകൾ കൂടി ഇടുക്കിക്ക് നൽകണമെന്ന് റോയി കെ പൗലോസ് ആവശ്യപ്പെട്ടു.
തൊടുപുഴ ഡിപ്പോയ്ക്ക് ഒരു ബസ് വാങ്ങി നൽകാമെന്ന് അൽ അസ്ഹർ ഗ്രൂപ്പ് ചെയർമാൻ ഹാജി കെ എം മൂസ പറഞ്ഞു. ഓരോ വർഷവും പുതിയ ഓരോ ബസുകൾ വീതം നൽകാമെന്നും തീരുമാനിച്ചിട്ടുണ്ട്. തെക്കും ഭാഗം സഹകരണ ബാങ്ക് 1000 ലിറ്ററിന്റെ വാട്ടർ ടാങ്ക് ഡിപ്പോക്ക് വാങ്ങി നൽകി. കെഎസ്ആർടിസി എം ഡി ഡോ. പി എസ് പ്രമോജ് ശങ്കർ, വാർഡ് കൗൺസിലർ ആതിര ജോഷി, കെ എം ഷുക്കൂർ തുടങ്ങിയ നിരവധി രാഷ്ട്രീയ സാംസ്കാരിക മേഖലകളിൽ പ്രവർത്തിക്കുന്നവരും, എടിഒ എം ജി രാജീവും പ്രസംഗിച്ചു.