പ്രിയദർശിനി സ്ത്രീ സൗജന്യ യാത്രാ പദ്ധതി മൂലമുണ്ടായ സാമ്പത്തിക നഷ്ടത്തിന് പരിഹാരമുണ്ടാകണമെന്ന് ആവശ്യപ്പെട്ട് സ്വകാര്യ ബസ് ഉടമകൾ സമരത്തിലേക്ക്. ഇതിന്റെ ഭാഗമായി നാളെ സെക്രട്ടേറിയറ്റിലേക്ക് മാർച്ചും ധർണയും നടത്തും. പരിഹാരമുണ്ടായില്ലെങ്കിൽ അനിശ്ചിതകാല സമരവും സർവീസ് നിർത്തിവെക്കലും ആരംഭിക്കുമെന്ന് ബസ് ഉടമകൾ മുന്നറിയിപ്പ് നൽകി.
ജൂൺ 15ന് പദ്ധതി ആരംഭിച്ചതിനു പിന്നാലെ സ്വകാര്യ ബസ് മേഖലയിലുണ്ടായ പ്രതിസന്ധി പരിഹരിക്കാമെന്ന് ഗതാഗതമന്ത്രി നൽകിയ ഉറപ്പുകൾ പാലിച്ചില്ലെന്നാണ് ബസ് ഉടമകളുടെ ആരോപണം.
നഷ്ടം വിലയിരുത്താൻ കെ. പത്മകുമാർ അധ്യക്ഷനായ അഞ്ചംഗ കമ്മീഷനെ നിയമിച്ചിരുന്നു. സെപ്റ്റംബർ രണ്ടിന് കമ്മീഷൻ റിപ്പോർട്ട് സമർപ്പിച്ചെങ്കിലും ശുപാർശകളിൽ സർക്കാർ നടപടി സ്വീകരിച്ചിട്ടില്ലെന്ന് ഉടമകൾ പറഞ്ഞു.
