കോട്ടയം ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. പ്രൊഫഷണൽ കോളേജ് ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കാണ് അവധി പ്രഖ്യാപിച്ചിരിക്കുന്നത്. എന്നാൽ മുൻകൂട്ടി നിശ്ചയിച്ച പരീക്ഷകൾക്ക് മാറ്റം ഉണ്ടാകില്ല എന്നും അറിയിച്ചിട്ടുണ്ട്. കഴിഞ്ഞ ദിവസങ്ങളിൽ ഉണ്ടായ പ്രതികൂല കാലാവസ്ഥയും മിന്നൽ പ്രളയവും കണക്കിലെടുത്താണ് കളക്ടറുടെ പ്രഖ്യാപനം.
കോട്ടയം ജില്ലയിലെ വിവിധ പ്രദേശങ്ങളിൽ മിന്നൽ പ്രളയം കടുത്ത നാശമാണ് വരുത്തി വെച്ചിരിക്കുന്നത്. ഈരാറ്റുപേട്ട നഗരത്തിലാണ് ഏറ്റവും നാശനഷ്ടം ഉണ്ടായിരിക്കുന്നത്. ജില്ലയുടെ പടിഞ്ഞാറൻ മേഖലകൾ ഇപ്പോഴും വെള്ളപ്പൊക്ക ഭീഷണി നേരിടുന്നുണ്ട്. മഴ അല്പം ശമിച്ചിരിക്കുന്നത് മാത്രമാണ് ഏക ആശ്വാസം.
