കാലിയാകും കീശ. ഒക്ടോബറിലെ വിലക്കയറ്റം രണ്ട് വർഷത്തെ ഏറ്റവും ഉയർന്ന നിരക്കായ 6.09 ശതമാനത്തിൽ .
ഭക്ഷ്യ സാധനങ്ങളുടെ വില കുതിചുയർന്നതോടെ ഒക്ടോബറിലെ ചില്ലറ വിപണിയിലെ വിലക്കയറ്റം രണ്ട് വർഷത്തെ ഏറ്റവും ഉയർന്ന നിരക്കായ 6.09 ശതമാനത്തിൽ എത്തി. സെപ്റ്റംബറിൽ ഇത് 5.54 ശതമാനമായിരുന്നു. വിലക്കയറ്റം നിയന്ത്രിക്കാൻ റിസർവ് ബാങ്ക് നിശ്ചയിച്ചിട്ടുള്ള 6 ശതമാനം എന്ന സുരക്ഷാ പരിധി. ആണ് ഇക്കുറി മറികടന്നത്. ഇതോടെ ഡിസംബറിൽ റിസർവ് ബാങ്ക് പലിശ നിരക്ക് വീണ്ടും വർധിപ്പിച്ചേക്കാം.
2024-ലെ ഓക്റ്റോബറിന് ശേഷം ഇതാദ്യമായാണ് നിരക്ക് 6 ശതമാനത്തിന്. മുകളിൽ എത്തുന്നത്. 2024 ഓക്റ്റോബറിൽ 6.2 ശതമാനമായിരുന്നു നിരക്ക്. ഭക്ഷ്യവിലക്കയറ്റം സെപ്റ്റംബർലെ 7.74 ശതമാനത്തിന് നിന്ന് ഒക്ടോബറിൽ 8.94 ശതമാനമായി ഉയർന്നു. സവോള, വെളുത്തുള്ളി തുടങ്ങിയ നിത്യോപയോഗ സാധനങ്ങളുടെ വിലയിൽ ഉണ്ടായ വർധനയാണ് സാധാരണക്കാരുടെ കുടുംബ ബജറ്റിനെ താളം തെറ്റിച്ചത്.
വിലക്കയറ്റം 2 മുതൽ 6 ശതമാനം പരിധിയിൽ നിലനിർത്താനാണ് ആർബിഐ ലക്ഷ്യം. ഡിസംബർ 2 മുതൽ 4 വരെ തീയതികളിൽ ആർബിഐ പണനയ സമിതി യോഗം ചേരാൻ ഇരിക്കെ പുതിയ കണക്കുകൾ നിർണായകമാകും. ഏകദേശം നാലു വർഷത്തേ ഇടവേളക്ക് ശേഷം കഴിഞ്ഞ ഒക്ടോബറിൽ ആർബിഐ അടിസ്ഥാന പലിശനിരക്ക് 0.25 ശതമാനം ഉയർത്തി, 5.5 ശതമാനം ആക്കിയിരുന്നു. ഡിസംബറിൽ പലിശനിരക്ക് 0.25 ശതമാനം വർധിപ്പിച്ചേക്കാം എന്നാണ് സൂചന.
കേരളത്തിലും നിരക്ക് 6.2 ശതമാനം ആയി ഉയർന്നു. കേരളത്തിലെ വിലക്കയറ്റം സെപ്റ്റംബറിൽ 5.26 ശതമാനമായിരുന്നു, 6.2 ശതമാനമായി ഉയർന്നു. സംസ്ഥാനങ്ങളുടെ പട്ടികയിൽ എട്ടാമത്താണ് കേരളം. തമിഴ്നാട് 7.29%, തെലങ്കാന 7.26%, ആന്ധ്രാപ്രദേശ് 7.25% എന്ന് വരാണ് ആദ്യ മൂന്ന് സ്ഥാനങ്ങളിലുള്ളത്. കേരളത്തിലെ ഗ്രാമീണ മേഖലകളിലെ വിലക്കയറ്റം 5.6 ശതമാനം ആയിരുന്നത് 7.01 ശതമാനമായി. നഗര മേഖലകളിലെ വിലക്കയറ്റം 4.97 ശതമാനമായിരുന്നത് 5.58 ശതമാനം ആയി ഉയർന്നു.