നെടുമ്പാശ്ശേരി വാഹനാപകടത്തിലെ പ്രതികളുടെ ജാമ്യാപേക്ഷ ജില്ലാ സെഷൻസ് കോടതി ഇന്ന് തള്ളി. പ്രതികൾ ഉന്നത സ്വാധീനമുള്ളവരാണ്. മാത്രമല്ല സുഹൈലിൻ്റെ ഡ്രഗ്സ് ഉപയോഗിച്ചിട്ടുണ്ടോ എന്നറിയാനുള്ള രാസ പരിശോധനാ ഫലം ഇനിയും വരാനുണ്ട്. മിനി കൂപ്പറിൻ്റെ ഇവൻ്റ് ഡാറ്റ റെക്കോർഡറിലെ വിവരങ്ങൾ ഇനിയും വരാനുണ്ട്. തന്നെയുമല്ല മദ്യപിച്ച് വാഹനമോടിക്കുന്നത് മൂലം അപകടമുണ്ടാകാനുള്ള സാധ്യത ഉണ്ട് എന്ന് അവബോധം ഉള്ള വ്യക്തികൾ ഈ രീതിയിൽ വണ്ടി ഓടിച്ച് അപകടമുണ്ടാക്കിയത് കൊലപാതകത്തിന് തുല്യമാണ് എന്നുമുള്ള വാദങ്ങൾ അംഗീകരിച്ചാണ് ജില്ലാ സെഷൻസ് കോടതി ജാമ്യം നിഷേധിച്ചത്.