വഴിത്തലക്ക് സമീപം നിയന്ത്രണം വിട്ട ബോർവെൽ ലോറി ഇലക്ട്രിക് പോസ്റ്റിലിടിച്ച് മറിഞ്ഞ് ഇതര സംസ്ഥാന തൊഴിലാളിക്ക് ദാരുണാന്ത്യം. ഝാർഖണ്ഡ് സ്വദേശിയായ ഗാസിയ യാദവ് (30) ആണ് മരിച്ചത്. കൂത്താട്ടുകുളം റോഡിൽ വാഴപ്പിള്ളിയിൽ രാവിലെ 6.30 ഓട് കൂടിയായിരുന്നു അപകടം.
തൊടുപുഴയിൽ നിന്നും കുഴൽ കിണർ നിർമാണത്തിനായി മാറിക ഭാഗത്തേക്ക് പോവുകയായിരുന്ന ജലധാര കമ്പനിയുടെ വാഹനം ആണ് അപകടത്തിൽ പെട്ടത്.
അപകടത്തെത്തുടർന്ന് ലോറിയുടെ കാബിനുള്ളിൽ കുടുങ്ങി പോയ ഗസിയ യാദവിനെ തൊടുപുഴയിൽ നിന്നുള്ള ഫയർ ഫോഴ്സ് ടീം എത്തിയാണ് പുറത്തെടുത്തത്. ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ലോറി ഡ്രൈവർ പരിക്കേൽക്കാതെ രക്ഷപെട്ടു.
ഓട്ടത്തിനിടയിൽ വാഹനത്തിൻ്റെ നിയന്ത്രണം നഷ്ടമായതാണ് അപകടത്തിന് കാരണം എന്ന് ഡ്രൈവർ മൊഴി നൽകി.
ഗസിയ യാദവിൻ്റെ മൃതദേഹം പോസ്റ്റ്മോർട്ടത്തിന് ശേഷം ഒപ്പം ജോലി ചെയ്യുന്ന സഹോദരങ്ങൾ ജാർഖണ്ഡിലേക്ക് കൊണ്ട് പോകും.
കരിങ്കുന്നം police സ്ഥലത്തെത്തി മേൽ നടപടികൾ സ്വീകരിച്ചു.
