പ്ലസ് വൺ പ്രവേശനത്തിന് ഇന്ന് മുതൽ അപേക്ഷിക്കണമെന്ന് പൊതു വിദ്യാഭ്യാസ വകുപ്പ് പ്രഖ്യാപിച്ചെങ്കിലും , നടപടികളിൽ അനശ്ചിതത്വം തുടരുന്നു. പ്രവേശനത്തിനായുള്ള വിജ്ഞാപനം ഇതുവരെ പുറത്തിറങ്ങിയിട്ടില്ല. പ്രവേശന നടപടികൾ വ്യകതമാക്കുന്ന സർക്കുലറും പുറത്തിറങ്ങിയില്ല.
ഇന്ന് രാവിലെ മന്ത്രി സഭാ യോഗത്തിൽ വിഷയം പരിഗണിച്ച ശേഷം വിജ്ഞാപനവും, സർക്കുലറും പുറത്തിറങ്ങുമെന്നും, വൈകുന്നേരം 5 മണി മുതൽ ഏകജാലക സംവിധാനം വഴി അപേക്ഷിക്കാനാകുമെന്നുമാണ് വകുപ്പ് അധികൃതർ നൽകുന്ന വിവരം. മുഖ്യ ഘട്ടത്തിലേക്ക് അപേക്ഷിക്കാൻ 10 ദിവസത്തോളം അനുവദിക്കും.
