ലോക വനിതാ ദിനം : സംരംഭക ഡോളി ജോസഫിനെ എ കെ പി എ ആദരിച്ചു.

കരിങ്കുന്നം : ലോക വനിതാ ദിനാഘോഷത്തിന്റെ ഭാഗമായി ഓൾ കേരളം ഫോട്ടോഗ്രാഫേഴ്സ് അസോസിയേഷൻ വഴിത്തല-കരിങ്കുന്നം യൂണിറ്റുകളുടെ നേതൃത്വത്തിൽ പ്രാദേശിക സംരഭയായ ഡോളി ജോസഫിനെ ആദരിച്ചു. പ്രതികൂല സാഹചര്യങ്ങളെ നിശ്ചയ ദാർഢ്യത്തോടെ നേരിട്ട് തന്റെ പ്രവർത്തന മേഖലയിൽ മാതൃകാപരമായ വിജയം കൈവരിച്ച കരിങ്കുന്നം സൊതെർ ഐസ് ക്യൂബ് എന്ന സ്ഥാപനത്തിന്റെ ഉടമക്കാണ് ആദരവ് നൽകിയത്. യൂണിറ്റ് പ്രസിഡന്റ് ജോപ്പൻ ടി. ജോൺ ചടങ്ങിൽ അധ്യക്ഷത വഹിച്ചു. യൂണിറ്റ് സെക്രട്ടറി ഷാജി ജെയിംസ്, സംസ്ഥാന SHG കോഓർഡിനേറ്റർ ടി.ജി. ഷാജി, യൂണിറ്റ് ജോയിന്റ് സെക്രട്ടറി പ്രിൻസ് അഗസ്റ്റിനെ, മുൻ യൂണിറ്റ് പ്രസിഡന്റ് ഫ്രാൻസിസ് ആൻഡ്രൂസ്, ബെന്നി അലക്സ്, യൂണിറ്റ് ട്രെഷറർ ടിജോ ജോർജ്ജ് എന്നിവർ പ്രസംഗിച്ചു.