തൊടുപുഴയിൽ കൺസ്യൂമർഫെഡിന്റെ പുതിയ നീതി മെഡിക്കൽ സ്റ്റോർ പ്രവർത്തനം ആരംഭിച്ചു
തൊടുപുഴ: കൺസ്യൂമർഫെഡിന്റെ പുതിയ നീതി മെഡിക്കൽ സ്റ്റോർ തൊടുപുഴ മങ്ങാട്ടുകവലയിൽ പ്രവർത്തനം ആരംഭിച്ചു. കേരള നിയമസഭാ ചീഫ് വിപ്പ് അഡ്വ. ജോൺ ജോസഫ് എംഎൽഎ ഉദ്ഘാടനം നിർവഹിച്ചു.
ചടങ്ങിൽ തൊടുപുഴ നഗരസഭാ കൗൺസിലർ പി.എ. ഷാഹുൽ ഹമീദ് അധ്യക്ഷത വഹിച്ചു. കൺസ്യൂമർഫെഡ് റീജിയണൽ മാനേജർ ആർ. പ്രദീപ് കുമാർ, കോൺഗ്രസ് നഗരസഭാ മണ്ഡലം പ്രസിഡന്റ് എം.എച്ച്. സജീവ്, ബിജെപി മണ്ഡലം പ്രസിഡന്റ് രമേഷ് ബാബു, അസിസ്റ്റന്റ് റീജിയണൽ മാനേജർ മഞ്ജു കെൻ എന്നിവർ പ്രസംഗിച്ചു.