ലഹരി മാഫിയകളെ ഒതുക്കാൻ തൂഫാൻ - നാർക്കോ ഹണ്ട് ഓപ്പറേഷൻ

തിരുവനന്തപുരം: സംസ്ഥാനത്ത് വർധിച്ചു വരുന്ന മയക്കുമരുന്ന് വ്യാപനത്തിനെതിരെ ശക്തമായ നടപടികളുമായി കേരള സർക്കാർ. “ഓപ്പറേഷൻ തൂഫാൻ: ദ നാർക്കോ ഹണ്ട്” എന്ന പേരിൽ സംസ്ഥാനവ്യാപക പ്രത്യേക ഡ്രൈവ് ആരംഭിക്കുമെന്ന് സർക്കാർ പ്രഖ്യാപിച്ചു. വിദ്യാർത്ഥികളെയും യുവജനങ്ങളെയും ലക്ഷ്യമാക്കി പ്രവർത്തിക്കുന്ന മയക്കുമരുന്ന് സംഘങ്ങളെ കണ്ടെത്തി നിയമത്തിന് മുന്നിൽ കൊണ്ടുവരികയാണ് പദ്ധതിയുടെ പ്രധാന ലക്ഷ്യം.

സംസ്ഥാന പൊലീസ്, എക്സൈസ്, നാർക്കോട്ടിക്‌സ് കൺട്രോൾ ഏജൻസികൾ എന്നിവയുടെ സംയുക്ത നേതൃത്വത്തിലാണ് ഓപ്പറേഷൻ നടപ്പാക്കുന്നത്. സ്കൂളുകളും കോളജുകളും കേന്ദ്രീകരിച്ച് നിരീക്ഷണം ശക്തമാക്കാനും, സംസ്ഥാനാന്തര മയക്കുമരുന്ന് ശൃംഖലകളെ തകർക്കാനും പ്രത്യേക സംഘങ്ങളെ നിയോഗിച്ചിട്ടുണ്ട്.

പ്രധാന നടപടികൾ

സ്കൂൾ–കോളജ് പരിസരങ്ങളിൽ കർശന പരിശോധന

ലഹരി വിൽപ്പന സംഘങ്ങൾക്കെതിരെ റെയ്ഡുകൾ

ഓൺലൈൻ മയക്കുമരുന്ന് ഇടപാടുകൾ നിരീക്ഷണം

രഹസ്യ വിവര ശേഖരണം ശക്തമാക്കൽ

യുവാക്കൾക്കായി ബോധവൽക്കരണ ക്യാമ്പെയ്‌നുകൾ

സർക്കാർ വൃത്തങ്ങൾ അറിയിച്ചു പ്രകാരം, ജനങ്ങളുടെ സഹകരണവും രഹസ്യ വിവരങ്ങളും ഈ ഓപ്പറേഷന്റെ വിജയത്തിൽ നിർണായകമാകും. ലഹരി വ്യാപനവുമായി ബന്ധപ്പെട്ട വിവരങ്ങൾ പൊതുജനങ്ങൾക്ക് പ്രത്യേക ഹെൽപ്‌ലൈനിലൂടെ അറിയിക്കാനാകും.

സോഷ്യൽ മീഡിയയിലും പൊതുസമൂഹത്തിലും പദ്ധതിക്ക് വലിയ പ്രതികരണമാണ് ലഭിക്കുന്നത്. നിരവധി പേർ സർക്കാരിന്റെ നീക്കത്തെ സ്വാഗതം ചെയ്തപ്പോൾ, ചിലർ ലഹരി വിരുദ്ധ ബോധവൽക്കരണത്തിനും പുനരധിവാസത്തിനും കൂടുതൽ പ്രാധാന്യം നൽകണമെന്ന് അഭിപ്രായപ്പെട്ടു.

സംസ്ഥാനത്ത് മയക്കുമരുന്ന് ഉപയോഗം വർധിക്കുന്ന സാഹചര്യത്തിൽ “ഓപ്പറേഷൻ തൂഫാൻ” കേരള പൊലീസിന്റെ ഏറ്റവും വലിയ ലഹരി വിരുദ്ധ ദൗത്യങ്ങളിലൊന്നായിരിക്കുമെന്നാണ് വിലയിരുത്തൽ.

*_അടിക്കുറിപ്പ്_*

ഇന്നത്തെ കേരളത്തിലെ ഏറ്റവും വലിയ പ്രശ്‌നം ഈ മയക്കുമരുന്നു മാഫിയയുടെ വിളയാട്ടമാണ്... നാടിന്റെ വളർച്ചക്ക് മുതൽക്കൂട്ടാവേണ്ട പുതുതലമുറയാണ് മയക്കു മരുന്ന് മാഫിയയുടെ പിടിയിൽ അകപ്പെട്ടു സ്വന്തം രക്ഷിതാക്കളെ വരെ കൊന്ന് തള്ളുന്നത്.

പത്ത് വര്‍ഷംകൊണ്ട് കേരളത്തിലെ പല കുടുംബത്തിന്‍റയും സമാധാനം കളഞ്ഞത്

ലഹരിയാണ് .ഈ ഓപ്പറേഷൻ പൂർണമായി നടപ്പിലായാൽ വരും തലമുറയോട് നിങ്ങൾ കാണിക്കുന്ന ഏറ്റവും നന്മ നിറഞ്ഞ പ്രവർത്തിയാകും... കേരള ചരിത്രത്തിൽ നിങ്ങളുടെ പേര് തങ്കലിപികളാൽ എഴുതപ്പെടും...

ലഹരിയുടെ ഉറവിടം കണ്ടെത്തി അവിടുന്നു തുടങ്ങണം സാറെ...

ലഹരി കച്ചവടക്കാരുടെ assets പിടിച്ചെടുക്കണം.കാലം നിങ്ങളെ കേരളത്തിന്റെ രക്ഷകനായി വാഴ്ത്തപെടും...❤️