മുട്ടം ഗ്രാമ പഞ്ചായത്തിൽ അത്യാധുനിക സൗകര്യങ്ങളോടെയുള്ള ടർഫ് ഗ്രൗണ്ട് നിർമാണത്തിന് നടപടിയാകുന്നു. എം വി ഐ പി യിൽ നിന്നും പഞ്ചായത്തിന് വിട്ടു നൽകിയ സ്ഥലത്ത് ടർഫ് നിർമിക്കാൻ കായിക വകുപ്പ് ഉദ്യോഗസ്ഥരെത്തി പരിശോധന നടത്തി. സ്ഥലം മണ്ണിട്ട് ഉയർത്തി നിരപ്പാക്കൽ, ഗ്രൗണ്ടിൻറെ ഇരു വശങ്ങളിലൂടെയും ശാസ്ത്രീയമായ ഡ്രെയിനേജ് സംവിധാനം, മണ്ണ് ടർഫ് നിർമാണം, കളിക്കാർക്കായി ഡ്രസിങ് റൂം, ശുചിമുറി തുടങ്ങിയ അനുബന്ധ സൗകര്യങ്ങൾ, ഒരുക്കൽ എന്നിവ ഉൾപ്പെടുത്തി വിശദമായ എസ്റ്റിമേറ്റ് തയ്യാറാക്കി നൽകാൻ പരിശോധനക്കെത്തിയ ഉദ്യോഗസ്ഥർ പഞ്ചായത്തിനോട് ആവശ്യപ്പെട്ടു.